Turismo Aktibo eta Abenturazko kiroletan bidea lantzen jarraitzen dugu eta orain ibilbide berri bati hasiera eman nahi diogu.
2011ko martxotik aurrera, GR-280aren bitartez Uribeko eskualdea ezagutzeko aukera luzatzen dizuegu.
Gr-280 bideak 7 etapa ditu eta Uribe eskualdeko lekurik ezkutuenak eta enblematikoenak zeharkatzen ditu. Hau burutzeko zenbait aukera eskeintzen dizkizuegu: hilabetero etapa bat egingo dugu, asteburu eta zubietan zenbait etapa egiteko aukera dugu eta eskeintzen dizuegun erronkarik handiena, Aste Santuan 6 etapa jarraian egitea!
Mendi ibili hau erarik erosoenean egin dezazun beharrezkoak diren baliabide guztiak zure eskura jarriko ditugu, hasiera puntura bitarteko garraioa, ostatua, etab., gozatzeaz besterik arduratu ez zaitezen.
Informazio gehiago gure web orrialdean, “Packs abentura” estekan edo 94 677 42 65 telefonoan.

Troka Abenturak etengabe hobetzeko ideiaren ildoan lanean jarraitzen du eta bezeroen eskakizunak bete eta hobetzeko amoz, egonaldien osteko inkesten eta ekarpenen jarraipena egiten dugu.

Datu hauek zuen eskura jarri nahi ditugu eta bide batez jasotako emaitzekin harro sentitzen garela esan nahi dizuegu. Datu hauek posible dugun zerbitzurik onena eskeini ahal izateko gogor ekiten jarraitzeko berez dugun grina indartu egiten dute. Guzti honekin batera zuen  partaidetzea eta inkestak erantzuteko orduan hartutako denbora eskertu nahi dizuegu.

Turismo Aktiboan kalitatea ere egon badago.

Hurrengo tauletan 2010ean zehar egindako inkesten batazbestekoak ikusi ahal dituzue, 0tik 10era bitarteko puntuazioan, 0 txarrena eta 10 onena izanik.

                                    AKTIBITATEEN ERABILTZAILEEN BALORAZIOA

                                                    - Inkesta kopuru totala 2010: 190

ERRESERBA ETA FAKTURAZIOA                                                    AKTIBITATEAK

- Informazioa: 9,13                                                                               - Azalpena: 9,55

- Erreserba prozesua: 9,35                                                                   - Begiraleen lana: 9,57

- Ordainketa eta fakturazioa: 9,16                                                        - Harreta: 9,53

- Tratua: 9,48                                                                                      - Ordutegia: 9,32

- Erreserba bataz bestekoa: 9,28                                                     - Materialak: 9,42

                                                                                                            - Actibitatea orotara: 9,43

                                                                                                           - Aktibitatea bataz bestekoa: 9,47

                                    ATERPETXEKO ERABILTZAILEEN BALORAZIOA                                     

                                                   -Inkesta kopuru totala 2010: 76

ERRESERBA ETA FAKTURAZIOA                                                   ZERBITZUAK OROTARA

- Informazioa: 8,77                                                                              - Asetasuna: 9,05

- Erreserba prozesua: 8,96                                                                   - Informazioa: 9,05

- Ordainketa eta fakturazioa: 8,72                                                        - Harreta: 9,02

- Tratua: 9,11                                                                                      - Instalazioen garbiketa: 8,75

- Erreserba bataz bestekoa: 8,89                                                    - Zerbitzuak bataz bestekoa: 8,97 

INSTALAZIOAK                                                                               SUKALDE ZERBITZUAK

- Logelak: 7,92                                                                                    - Bazkaria: 7,82

- Komunak: 7,47                                                                                 - Kantitatea: 8,65

- Egongela: 7,05                                                                                 - Tenperatura: 8,22

- Jantokia: 7,61                                                                                  - Garbiketa: 8,70

- Ingurua: 9,12                                                                                   - Harreta: 9,18                   

- Instalazioak bataz bestekoa: 7,83                                               - Sukalde zerbitzua bataz bestekoa: 8,51

Asko zarete urte hauetan gure ibilbidea gurekin partekatu duzuenak: pertsonak, taldeak, enpresak, erakundeak, ikastetxeak, unibertsitateak, turismo-bulegoak, aholkularitza enpresak, kirol elkarteak, kultur elkarteak, nekazalturismoak, hotelak, bidaia-agentziak, etab. Guztioi eskerrak eman nahi dizkizuegu zuen erabakitasunagatik eta, batez ere, zuen aisialdia eta lana gurekin partekatzeko egin duzuen aukeragatik.

Zuen fideltasuna beti egon da hor eta zerbitzurik onenak eskaintzen ahalegintzen gara, taldea osatzen dugun pertsonen bitartez. Lan horrek bere saria jaso du aurten: Troka Abentura Espainiako estatuan TURISMO AKTIBOKO Q KALITATE ZIURTAGIRIA lortu duen LEHENENGO ENPRESA da. Talde guztiak egindako lan garrantzitsuak, zuen laguntzarekin batera, erreferentziako enpresa bihurtu gaitu estatu mailan, kalitateari dagokionez.

Uztailaren 6an, ICTE-k (Espainiar Kalitate Turistikoaren Institutoa) eta EUSKALIT –ek (Bikaintasunerako Euskal Fundazioa) eskaturik Troka Abenturak Turismo Aktiborako Q normaren auditoreen homologaziorako Lehenengo Formazio Ikastaroan parte hartu du. Erakunde Ziurtatzaile desberdinetako 8 auditoreek, ICTEko ordezkari batek eta EUSKALITeko ordezkari batek gure instalazioak bisitatu dituzte eta Trokan erabiltzen dugun Kalitate Sistema ezagutu dute. Bai ICTE-ri bai EUSKALIT-i gure enpresa sektoreko erreferentzia bezala aukeratu izana eskertu nahi diogu.